Madaxweynaha Ruushka oo Arbacada berri ah booqan doona Sacuudiga iyo Imaaraadka Carabta

[Deeq A.]

Madaxweynaha Ruushka Vladimir Putin ayaa Arbacada berri ah booqan doona Sacuudiga iyo Imaaraadka Carabta sida laga soo xigtay Aqalka Kremlin-ka.

“Madaxweyne Putin waxa uu berri safar shaqo ku tagi doonaa Imaaraadka iyo Sacuudiga” ayuu yiri Af-hayeenka Aqalka Kremlin-ka Mr. Dmitry Peskov oo shir jaraa’id ku qabtay Moscow.

Waxa uu sheegay in hoggaamiyaha Ruushka uu kala hadli doono Madaxda labada dal Arrinta ku saabsan dagaalka Israa’iil iyo Xamaas iyo siyaasadda caalamiga ah.

Madaxweyne Putin ayaa xaddiday safarrada caalamiga ah tan iyo markii uu ciidamo u diray Ukraine, islamarkaana Maxkamadda Caalamiga ah ee Dambiyada (ICC) ay soo saartay amar lagu soo xirayo.

PUNTLAND POST

The post Madaxweynaha Ruushka oo Arbacada berri ah booqan doona Sacuudiga iyo Imaaraadka Carabta appeared first on Puntland Post.