Sirdoonka Somaliland Oo Qabtay Raggii Xogaha Amniga Siin Jiray Kooxaha Ka Dagaalama Laascaanood.

[Deeq A.]

Hay’adda sirdoonka qaranka ee NIA IntellSL ayaa sheegay in iyaga oo kaashanaya laamaha amniga ay qabteen 3 nin oo ka mid ahaa shakhsiyaadkii xogaha amniga siin jiray kooxaha huwanta ah ee ka dagaalama Laascaanood.

Raggan ayaa lagu qabtay gudaha degmada Oog ee gobolka Sool sida ay sheegtay Hay’adda ugu sarraysa amniga Somaliland ee NIA IntellSL.

Magacyadda raggan ayaa kala ahaa Cabdifataax Cali Cabdi, Cabdifataax Xasan Cilmi iyo Cabdirashiid Muxumed Ibraahim sida ay hay’addu ku baahisay ku baahisay Barteeda X ama twitter.

Qoraalka hay’adda ayaa u dhignaa sida tan: “Hay’adda ugu sareysa amniga #SL #NIA oo kaa shanaysa laamaha nabadgelyada ayaa degmada Oog ku qabatey, Cabdifataax Cali Cabdi, Cabdifataax Xasan Cilmi, iyo Cabdirashiid Muxumed Ibraahim. Saddexdan nin ayaa  xogoha amniga siin jiray kooxaha huwanta ah ee ka dagaalama #Laascaanood.”

Source