Wararkii u danbeeyay ee duqaymaha Israa’iil ka waddo Marinka Qasa

[Deeq A.]

Ku dhowaad 200 qof ayaa lagu dilay  in ka badana 700 kalana waa lagu dhaawacamay maalintii labaad dagaalka dib uga soo cusboonaaday Qasa, sida laga soo xigtay wasaaradda caafimaadka Qasa.

Dadka ugu badan ee dhimashada iyo dhaawaca uu gaaray waa carruur iyo haween, iyadoo wasaaradda caafimaadka Qasa ay sheegtay dadka dhaawaca ah in lagu arkay isbeddel ku yimid jirkooda.

Israa’iil waxay burburinaysa nidaamka caafimaadka ee waqooyiga Qasa, warbixinta Wasaaradda caafimaadka Qasa ayaa lagu sheegay.

Weerarradii u dambeeyay ee saqdhexe soo billowday waxaa ka qeybqaadanayay doomaha Israa’iil ee ku sugan xeebta Qasa.

Diyaaradaha Israa’iil ayaa saakay burburiyay 3 guri iyo 3 masaajid oo ku yaala Khan Yuunis, Aljazeera ayaa werisay.

Ciidamada Israa’iil ayaa sheegay in ay xalay duqeeyeen in ka badan 400 oo bartilmaameed guud ahaan marinka Qasa, warsaxaafadeed ayay ku sheegeen.

PUNTLAND POST

The post Wararkii u danbeeyay ee duqaymaha Israa’iil ka waddo Marinka Qasa appeared first on Puntland Post.