Culimada Gobolka Togdheer oo bayaan soo Saaray

[Deeq A.]

Culimada gobolka Togdheer oo bayaan soo Saaray

Burco(Qaran)- Culimada gobolka Togedheer ayaa caawa soo saaray baaq nabadeed oo ku wajahan colaadaha ka oogan gobollada Sool iyo Buuhoodle.

Baaqa culimada oo kooban siddeed qoddob waxay sheegeen dagaalada qabyaaladeed ee ka socda gobollada Sool iyo Buuhoodle waxayna sheegeen in ciddii ka qaybgashaa ku cadaab mudanayso.

Waxa culimadu sheegeen inay soo dhaweynayaan go’aamadii beesha bariga Burco ee ku wajahnaa inay doonayaan inay nabad kula noolaadaan jaarkooda.

Waxa kale oo ay ka digeen kelmada Shahiid oo loo adeegsado colaado lagu banaysanayo dhiiga muslimiinta.

Sidoo kale waxa baaqa culimada Togdheer soo dhaweeyeen oo ay sheegeen inay doonayaan in la fuliyo heshiisyadii laga gaadhay shaqaaqooyinkii Ceel Afweyn iyo Cali Saahid.

Sidoo kalena waxay caddeeyeen inay si mugleh ula shaqeynayaan cid kasta oo dhigta gogol nabadeed.

Qaran News