Xisbiga Waddani oo shaaciyay In Aanay Aqbalayn Doorasho Dambe oo Dib u Dhacda

[Deeq A.]

 

Hargeysa,(Qaran news)- Guddoomiye kuxigeenka xisbiga WADDANI Maxamed Yuusuf Waabeeyo ayaa sheegay in xisbigoodu aqbali doonin doorasho dambe oo wakhigeeda dhaafta.

Guddoomiye xigeenka Waddani oo shir jaraa’id ku qabtay xafiiskooda ayaa si adag uga hadlay dib u fhac dambe oo ku yimaada doorashootinka wuxuuna yidhi
“Xisbiga WADDANI aqbali maayo doorasho dhaafta wakhtigaa loo asteeyay.”

“Muusow is casil oo talada ku wareeji cid dalkan doorasho gaadhsiisa, mar haddii ciidanka Qaranka xaaladdiisa la arkayo, mar haddii dhaqaalihii dalku burburay, mar haddii siyaasaddii arrimaha dibaddu aanay jirin ba oo dal aynu maanta saaxiib nahay jirin,” ayuu yidhi Guddoomiye Waabeeyo.

Isagoo hadalkiisa sii watayna wuxuu yidhi “Xisbiga Waddani  qiimo kasta oo ay ku tegayso sinaba uma aqbalayo in Muuse iska sii fadhiyo, wuxuu kacdoonada dalka ka socda ka raadinaya cimri dherer.”

Guddoomiye xigeenka Xis biga Waddani Maxamed Xaaji Yuusuf Waabeeyo waxa kaloo uu ku eedeeyay golaha Guurtidda inay ka cagojiidayaan ansixinta xeerka doorashooyinka ee ay Barlamaanku hore u ansixiyeen

 

Qaran News