Musharaxa xisbiga Waddani oo si weyn loogu soo Dhaweeyay magaaladda London

[Deeq A.]

Musharaxa xisbiga Waddani oo si weyn loogu soo Dhaweeyay magaaladda London, kana Warbixiyay Socdaalkiisa

London(Qaran news)- Murrashaxa Madaxweynaha ee xisbiga WADDANI Md. Cabdiraxmaan Maxamed Cabdilaahi (Cirro) ayaa si diiran loogu soo dhaweeyay magaalada London ee dalka Ingiriiska.

Waxa madaarka ku soo dhaweeyay taageereyaal badan, Guddoomiye Xirsi Cali Xaaji Xasan iyo Xoghayaha guud ee Xisbigaas Md
Khadar Xuseen Cabdi.

Murrashax Cirro ayaa u mahadceliyay jaaliyadda iyo tasgeereyaashii soo dhaweeyay, wuxuuna xusay in socdaalkiisu la xidhiidho inuu farriin midnimo gaadhsiiyo jaaliyadda Somaliland ee UK.

Waxa kaloo uu tilmaamay inuu la yeelan doono Jaaliyadda iyo taageereyaasha xisbigaasi kulamo ay isku xog waraysan doonaan.

Xoghayaha guud iyo madaxda xisbiga WADDANI ee dalka Ingiriiska ayaa u mahadceliyay taageereyaasha sida wanaagsan ugu hagar baxay soo dhaweynta Murrashax Cirro.

Qaran News