Koonfur Afrika Oo Ku Baaqday In Israa’iil La Horgeeyo Maxkamadda Caalamiga Ee Danbiyada ICC

[Deeq A.]

Madaxweynaha Koonfur Afrika Cyril Ramaphosa ayaa ugu baaqay Maxkamadda Caalamiga ah ee Danbiyada ICC inay dacwad kusoo oogto Israa’iil.

Baarlamaanka Koonfur Afrika ayaa la horgeeyey mooshin ah in Waddankaasi gebi ahaan xidhiidhka u jaro Israa’iil.

Xisbi Xaakimka ANC iyo Sidoo kale xisbiyada mucaaridka EFF ayaa taageersan qorshahan xidhiidhka loogu jarayo Israa’iil.

Koonfur Afrika ayaa kamid ah dalalka Afrika ee sida adag u cambaareeyey duulaanka Israa’iil ee Gaza. dalkaasi ayaa sidoo kale dib ulla soo noqday safiirkii ka joogay Tel Aviv.

Toddobaadyadii lasoo dhaafay ayey magaalooyinka dalka Koonfur Afrika ka dhacayeen banaabaxyo lagu taageerayo Falastiin.

Israa’iil ayaa horey xidhiidh dhaw ulla lahaan jirtay dowladii hore ee Gumeysiga Cunsiriga ee Koonfur Afrika.

Source