Israa’iil Oo Duqeysay Dadkii Qaxayey, Tiradda Dhimashada Oo Kor U Dhaaftay 11 kun oo qof

[Deeq A.]

Shacabka lagu xasuuqay duqeynta Israel ayaa maanta oo Jimce ah gaadhay 11.078, in ka badan 4.500 ayaa ah carruur.

Sidoo kale dadka duqeynta lagu dilay ayaa waxaa kamid ah 3,027 haween ah iyo 678 waayeel ah.

Tiradda dhakhaatiirta iyo saraakiisha caafimaadka ee la dilay ayaa gaareysa 198, halka 53 gaadiidka ambalaasta ah la burburiyey.

135 oo ah goobaha caafimaadka ayaa la duqeeyey waxaana shaqada joojiyey 21 cisbitaal iyo 47 kale oo ah xarumaha caafimaadka.

Diyaaradaha dagaalka ayaa shalay duqeeyey kumanaan kun oo shacab oo ka qaxayey Waqooyiga Gaza kuna sii jeeday Koonfurta.

Ciidamada Israa’iil iyo gaadiidkooda dagaalka ayaa gaadhay gudaha Gaza, iyagoo go’adoomiyey cisbitaalada Al-Shifa iyo cisbitaalka carruurta Rantisi.

Duqeyntii ugu ballaadhneyd ayaa shalay lala beegsaday waqooyiga Gaza, iyadoo weli dagaalo fool ka fool ah halkaasi ka socdaan.

Source