Wasiirka Beeraha oo Furay Shir ku Wajahan Siyaasadda Abuurka Siidhka Beeraha

[Deeq A.]

Wasiirka Beeraha oo Furay Shir ku Wajahan Siyaasadda Abuurka Siidhka Beeraha

Hargeysa(Qaran)-Wasiirka Beeraha oo Hargeysa Ka Daah-furay Shir Ku Saabsan Siyaasadda Abuurka beeraha (Siidhka).

Shirka oo ay soo qaban-qaabisay waaxda Qorshaynta ee Wasaaradda beeraha, ayaa waxa kale oo uu goob-joog ka ahaa Agaasimaha guud ee wasaaradda beeraha Aadan Cabdillaahi Sh. Muuse iyo Hay’adaha Wasaaradda kala shaqeeya horumarinta beeraha.

Shirkan oo ah kii labaad ee noociisa ah oo Wasaaraddu soo qaban-qaabiso, ayaa Wasiir Cabdiqaadir Iimaan, Agaasimaha guud iyo Agaasimaha Waaxda Qorshayntu ka sheegeen furitaankiisa in lagu dersayo siyaasadda Siidhka, si loo helo siyaasadda Abuurka Beeraha, taasi oo ilaalinaysa abuurka waddaniga ah ee tayada leh, taasina qayb ka tahay qorshaha Qaranku ku hiigsanayo isku filaanshaha dhanka cuntada.

Qaran News