Boqortooyada Sacuudiga oo hakisay wada-hadalladii Israa’iil

[Deeq A.]

Boqortooyada Sacuudi Carabiya ayaa hakisay wada-hadallada ku saabsan in ay caadiyeyso xiriirka Israa’iil.

“Sacuudi Carabiya ayaa go’aansatay in ay hakiso doodda la xiriirta suurtagalnimada in xiriirka caadi laga dhigo, waxayna ku wargelisay saraakiisha Mareykanka” sida ay ilo diblomaasiyadeed ka soo xigatay AFP.

Warkan ayaa soo baxay iyadoo xoghayaha arrimaha dibadda ee Mareykanka Antony Blinken uu Sabtidii la kulmay dhiggiisa Sacuudiga, taasi oo ah booqashadii ugu dambeysay oo uu ku marayo lix dal oo gobolka ah.

Jimcihii ayay Sacuudi Carabiya canbaareysay qixinta Falastiiniyiinta ee Gaza, iyo weerarada “shacabka aan difaaca haysan” waana bayaan ku qornaa luqaddii ugu adkayd oo Israa’iil lagu cambaareeyo ee ka soo baxa Sacuudiga tan iyo markii uu dagaalku qarxay.

PUNTLAND POST

The post Boqortooyada Sacuudiga oo hakisay wada-hadalladii Israa’iil appeared first on Puntland Post.