Madaxweynaha Jamhuuriyadda oo Kulan La Qaatay Hoggaamiyaha Deegaannada SSC

[Deeq A.]

Madaxweynaha Jamhuuriyadda Federaalka Soomaaliya Mudane Xasan Sheekh Maxamuud oo uu wehelinayo Ra’iisul Wasaaraha Xukuumadda JFS Mudane Xamse Cabdi Barre ayaa ku qaabilay Madaxtooyada Qaranka hoggaamiyaha KMG ah ee deegaanka SSC Mudane Cabdiqaadir Axmed Firdhiye.

Madaxweynaha ayaa warbixin ku saabsan xaaladda guud ee deegaannada SSC ka dhageystay Hoggaamiye Cabdiqaadir Axmed Firdhiye, Isagoo la wadaagay Madaxda heer Federaal aragtida, hiigsiga dadka deegaannadaas iyo caqabadaha nololeed ee ka dhasahy dagaalka.

Madaxweyne Xasan Sheekh Maxamuud ayaa tilmaamay in bulshada ku dhaqan deegaannada SSC maanta looga baahan yahay in ay xoogga saaraan sidii loo ilaalin lahaa nabadda, wada-noolaanshaha bulsho iyo xasilloonida deegaannaadaas.

Hoggaamiyaha SSC oo soo gaaray Muqdisho ayaa kulan sidaan oo kale ah waxaa uu la qaatay Xamse Cabdi Barre isaga oo ahaa shaqsigii casiimadda u fidiyay, madaxweynaha Jamhuuriyadda ayaa kulanka uu la qaatay hoggaamiyaha SSC waxaa uu kusoo aadayaa xilli deegaannada SSC dhowaan laga saaray ciidanka Milatariga Soomaaliland Goojacade.

Goobjoog News

Source: goobjoog.com