Muxuu meeqaam ahaan ka dhigan yahay Danjiraha Kenya u magacowday Somaliland?

[Deeq A.]

Muxuu meeqaam ahaan ka Dhigan yahay Danjiraha Kenya u Magacowday Somaliland?

Nairobi (Qaran news)- Dawladda Kenya ayaa wakiil cusub u soo magacaabay Jamhuuriyadda Somaliland, isla markaana sare u qaaday meeqaamkii dublamaasiyadeed ee xafiiskooda ay ku leeyihiin Caasimadda Somaliland ee Hargeysa.

Magacaabis Arbacadii 04 October uu sameeyey Madaxweynaha Kenya Md. William Samoei Ruto ayaa Cabdiweli Muxamed Hussain u magacaabay inuu noqdo wakiilka sare (Higher Commissioner) ee magaalada Hargeysa ee Jamhuuriyadda Somaliland.

Magacaasibta xukuumadda Kenya waxay muujinaysaa tallaabo wanaagsan oo loo qaaday iskaashiga u dhexeeya Kenya iyo Somaliland, waxaanay mudan tahay in xukuumada Somaliland sidaa si la mid ah ku dhawaaqdo, isla markaana sarre u qaado meqaamka Xafiiska Jamhuuriyadda Somaliland ee dalka Kenya.

Waxa ay arintani aad u farxad galisay dad aad u tiro badan oo ka soo jeeda dalka Kiiniya oo kor u dhaafaaya kumaan kun oo qof oo ka hawl gala Somaliland kuwaasi oo ka kooban, macalimiin, dhakhaatiir, kal kaaliyayaal caafimaad, shaqaale aad u faro badan oo ka hawl gala meelo aad u faro badan oo ay ka mid yahiin dhismayaasha nooc walba waxa sidoo kale jira qoysas ka soo jeeda Kiiniya oo degan Somaliland kuwaasi oo ka ganacsada Somaliland.

Waxana hada suuqyda qaadka ee Somaliland ku soo badanaaya isticmaalka qaadka Miiroiga ee laga keeno dalka Kiiniya

Qaran News