Xuska Dhalashada Nabiga(SCW) oo Caalamul Islaami Maanta Siwyn Looga Dabaaldegayo

[Deeq A.]

Caalamul Islaami waxaa maanta siweyn looga xusayaa degaaldegga xuska dhalayashadii Nabigeenna Muxamed( SCW), meelaha siweyn looga dareemayo ayaa waxaa kamid ah gudaha dalka, iyadoo maanta ay socdaan dabaaldegyo waaweyn oo lagu weynaynayo dhalashadiisa oo began 12 bisha Rabiicul Awal.

Dowladda federalka Soomaaliya ayaa ku dhawaaqday in ay fasax yihiin shaqaalaha dowladda iyo sidoo kale goobaha wax lagu barto, iyadoo lagu weynayo xuska iyo dagaaldegga dhalashada sanadkaan ee Nabiga (1445) oo sidoo kale ku beegan 2023 Milaadiyada, sanadkaan ayaa ka duwan sanadadii hore.

                                  Kumuu ahaa Nabigeenna Muxamed( SCW)

Wuxuu ahaa kii ugu wanaagsanaa ee koonkaan Allah uu usoo saaray, si umaddaan uu u gaarsiiyo xaqa kagana digo baadilkii ay kugnaayeen markaas, dhaxalkii iyo dadaalkii uu ka tagay ayaa ah waajib saran xuux waliba inuu gaarsiiyo kan kale aysan gaarin, sidii uu ku dardaarmay sanadkii Xajatu Widaac la yiri.

Abtirsiga Nabiga

Magaciisa oo dhammeystiran  Waa Muxamad Binu Cabdilaahi, Binu Cabdil Mudalib, Binu Haashim, Binu Cabdi manaaf, Binu Qusayyi, Binu Bilaab, Binu Murah, Binu Kacab, Binu Lu’ayi, Binu Qaalib, Binu Fihri, Binu Maalik,Binu Al Nadar, Binu Kinaana, Binu Khuzeyma, Binu Mudrika, Binu Ilyaas, binu Mudar, Binu Nazaar, Binu Macid, Binu cadnaan.

Waxaa uu dhashay sanadkii loogu magacdaray Caamul Fiil, sanadkaas oo Boqorkii Xabashida uu weerar kusoo qaaday beydka Allah ee Xaramynta, waxaa sidoo kale taariikhyahannadu ay sheegaan in Miilaadigu markaas ku beegneyd 570 ama 571 sida Ahlu siyarka ay wariyaan marka laga hadlayo taariikhda.

Hooyadiis waxey dhimatay Isagoo jira (Lix bilood), awoowihiis Cabdul Mudalibna wuxuu dhintay isagoo (Siddeed jir ah), ka dibna waxaa noloshiisa kafaala qaaday Adeerkiis Abuu Taalib, intuu Adeerkiisa ka dhinto isaga ayuu la noolaa. Waxaana soo nuujisay Xaliimat Sacdiya.

Xaasaskii Nabiga  iyo Caruurtii uu Dhalay (SCW)

Khaddiija	595 ilaa 619 C.D	Qaasim Cabdulaahi Saynab Ruqiya Umm Kaltuum Faatima
Sowda	619 ilaa 632 C.D	–
Caisha	619 ilaa 632 C.D	–
Xafsa	624 ilaa 632 C.D	–
Saynab	625 ilaa 627 C.D	–
Hinda	629 ilaa 632 C.D	–
Saynab bint Jahsh	627 ilaa 632 C.D	–
Juwayriya	628 ilaa 632 C.D	–
Safiyya	629 ilaa 632 C.D	–
Ramla	628 ilaa 632 C.D	–
Maymuna	630 ilaa 632 C.D	–
Maryama	630 ilaa 632 C.D	Ibraahim
Rayhana	629 ilaa 632 C.D	–

Goobjoog News

Source: goobjoog.com