Shir Looga Hadlay Dardargelinta Howlgallada iyo Amniga oo Ka Dhacay Magaalada Dhuusaareeb

Deeq A. · September 24, 2023

Kusimaha Madaxweynaha ahna Madaxweyne kuxigeen Galmudug Mudane Ali Dahir Ciid ayaa Shir gudomiyay kulan lagu dardargalinaya Howlgalada ka dhanka ah Al-shabaabka sugan qaybo ka mid ah Galmudug, waxaana kulankaan uu kusoo aadayaa xilli howlgallo baaxad leh ay ka socdaan deegaannada maamulkaas ee gobollada Mudug iyo Galgaduud.

Shirkaan oo ay kasoo qaybgaleen Wasiir kuxigeenka Amniga dowlad goboleedka Galmudug ,Saraakisha Ciidamada kala duwan ee Qaranka iyo kuwa Galmudug ayaa lagu soo dhaweyay hormarada baxaada leh ee Ciidamada Xoogga dalka ,Darwiishta Galmudug iyo Ciidanka Deeganka ay ka sameyeen dagaalada ka dhanka ah Al-shabaab ee ka socda.

Madaxweyne kuxigeenka Galmudug oo Shirkaan ka hadlay ayaa waxaa uu sheegay in Al-shabaab lagu jabiyay Dagaaladii ugu danbeyay ee Galmudug ka dhacay waxana u faray Ciidamada in ay sii laba jibaaran howlgallada, isaga oo ugu Danbeyn Shirka lagu kala qaatay awaamiir hor leh oo sare logu qaadaayo Amniga deegaannada maamulka Galmudug.