Wdfti ka Socday Hay’adda Dhawrista Tayada oo Booqday Burco

[Deeq A.]

Wdfti ka Socday Hay’adda Dhawrista Tayada oo Booqday Burco

Hargeysa(Qaran news)-Guddoomiye Ku-xigeenka Hay’adda Dhawrista Tayada JSL Mudane Xamse Cabdi Ibraahim, oo ay weheliyaan Agaasime-Waaxeedyada,Waaxaha Hubinta Tayada iyo Heertayeedka ayaa maanta kormeer shaqo ku tagay Magaalada Burco ee Xarunta gobolka Togdheer.

Socdaalkan mas’uuliyiinta ayaa daarnaa sidii Warshadaha gobolka Togdheer loo gaadhsiin lahaa Summad Tayeedka Qaranka ee Hay’adda Dhawrista Tayadu dhawaan daah-furtay.

Calaamadda Summad Tayeedka Qaranka waa calaamad muujinaysa in badeecaduhu (products) waafaqaan ama buuxiyaan shuruudihii looga baahnaa markay noqoto bed-qabka dadka isticmaalaya.
Sumadda Tayada ee ay bixisay Hay’adda Dhawrista Tayada Somaliland (HDHT) waxa ay ku xusan tahay xeerka Lr: 68/2014, kaas oo dhigaya in HDHT bixin karto summad ama summado, ka dib marka ay buuxiyaan badeecaduhu heertayeedyadii Somaliland (Somaliland Standards).
Haddaba faa’iidooyinka summadda tayadu (Product Quality Mark).

1. Summadda tayadu waxay suurtogalinaysaa kalsooni buuxda inay helaan dadka isticmaalaya badeecadaha kala duwan ee Warshaduhu soo saaraan
2. Waxay yaraynaysaa in ay suuqa soo galaan alaab tayadeedu hoosayso
3. Waxay kor u qaadaysaa dedaalka warshaduhu ku tayeynayaan wax-soosaarkooda
4. Waxay suurtogalinaysaa in ay helaan dadku badeecado tayadoodu sareyso
5. Waxay hir-galinaysaa isticmaalka ama dabiqitaanka heer-tayeedyada somaliland.

Qaran News