Dowladda Soomaaliya oo Shaacisay Liiska Saraakiil Al-shabaab ah oo Lagu Dilay Howlgal

[Deeq A.]

Dowladda federaalka ee Soomaaliya ayaa shaacisay in saraakiil ka tirsan Al-Shabab lagu dilay howlgal laga fuliyay gobolka Shabeellaha Dhexe, kaas oo ay iska kaashadeen ciidanka dowladdda iyo saaxiibadooda caalamiga ah, sida lagu sheegay bayaan kasoo baxay dowladda federalka.

Howlgalkaan ayaa si gaar ah 12-kii bishaan uga dhacay deegaanka Gumarka Cosobow Cali oo ka tirsan degmada Ruun-Nirgood ee gobolka Shabeellaha Dhexe ayey dowladdu shaacisay magacyada saraakiil sare oo  laguna dilay weerarkaas oo ahaa intiisa badan duqeymo.

Bayaalka kasoo baxay dowladda ayaa lagu sheegay Salaad Dheere, Cabdullaahi Ciilow, Shucayb, Cabdullaahi Xuseen Qodax, Cabdullaahi Madoobe, Bagaax, sargaal kale oo lagu magacaabo Saylici iyo Axmad Maxamed oo loo yaqaanay Xerow iyo Nadiir, ay yihii dhammaantood saraakiisha ka tirsan Al-shabaab ee lagu dilay howlgalka Shabeellaha dhexe.

Howlgalkaan lagu dilay saraakiisha ka tirsan Al-shabaab oo dowladdu ay shaacisay ayaa kusoo aadaya xilli maalmihii ugu dambeeyay ciidanka Africom ee dowladda Mareykanka ay howlgallo kale duwan oo dhacka circa ay ka fuliyeen dhowr goobood oo kale duwan iyaga oo taageeraya kumaandooska Soomaaliya.

Goobjoog News

Source: goobjoog.com