Xildhibaanno ku dhaawacmay qarax lagu weeraray goob uu ku sugnaa Madaxweynaha Galmudug

[Deeq A.]

Baabuur uu waday qof is-miidaamiye ah ayaa lala beegsaday tuulada Laas Gacamey oo u dhaxaysa degaaada Wisil iyo Bacaadweyne ee gobolka Mudug.

Dad ku sugan Wisil ayaa laga soo xigtay in qaraxa lagu weeraray goob ay ku sugnaayeen madaxweynaha Galmudug, saraakiil ka tirsan qaybaha ciidamada, iyo xildhibano ka tirsan baarlamanka Soomaaliya.

Weerarka ayaa waxaa ka dhashay khasaare xooggan oo isugu jira dhimasho iyo dhaawac sida ay wararka xaqiijinayaan.

Taliyaha ciidanka darawiishta Galmudug Jeneral Maxamed Nuur Cali Gadaar ayaa xaqiijiyay geerida ciidamo ka tirsan madaxtooyada Galmudug iyo dhaawaca askar kale.

Taliye Gadaar ayaa sidoo kale sheegay in madaxweynaha Galmudug, xildhiban Cabdi Qaybdiid, xildhiban Dhabancad iyo mas’uuliyiintii ku sugnayd deegaanka Laas Gacamay ay badqabaan.

Waxaase uu xusay in Sen. Cabdi Qeyb-diid iyo xildhibaan Dhabancad oo ka tirsan Baarlamanka Soomaaliya ay dhaawacyo ka soo gaareen weerarka oo ay sheegatay kooxda AS.

PUNTLAND POST

The post Xildhibaanno ku dhaawacmay qarax lagu weeraray goob uu ku sugnaa Madaxweynaha Galmudug appeared first on Puntland Post.