Madax-dhaqameedka Awdal oo Madaxweynaha u soo Jeediyay inuu Aqbalo Qaraarkii Ergada

[Deeq A.]

Hargeysa(Qaran news)- madaxdhaqameedka Gobolka Awdal, ayaa sheegay inay soo dhaweynayaan qaraarkii ergada beesha bariga Burco ee xal u helida khilaafkii doorashooyinka.

Madaxdhaqameedka Awdal waxa ay sheegeen in go’aankaasi ahaa mid xal ah oo lagaga gudbayo khilaafkii jiray.

Madaxdhaqameedka Awdal waxay u soo jeexiyeen madaxweynaha iyo xukuumadda inay fuliyaan go’aamada ergada.

Waxa kaloo Hay’adaha dawladda ee ay khusayso ka dalbadeen inay qaraarkaas fulintiisa ka qayb qaataan oo ay wixii kaabis u baahanna xoojiyaan.

Sidoo kale waxgaradka Awdal waxay sheegeen inay ka xun yihiin dagaalkii jimcihii dhacay, waxayna iftiimiyeen inay barbar taagan yihiin ciidamada Qaranka iyo difaaca Jamhuuriyada Somaliland.

Qaran News