Shirka Madasha Wada-tashiga Qaran oo maanta ka furmay Dhuusamareeb

[Deeq A.]

Ra’iisul Wasaaraha Xukuumadda Jamhuuriyadda Sooamaliya, Mudane Xamsa Cabdi Barre ayaa ka qayb galay shirka Golaha Wadatashiga Qaran oo maanta ka furmay caasimadda dowlad gobolleedka Galmudug ee Dhuusamareeb.

Shirka oo uu guddoominayo Madaxweynaha JFS, Xasan Sheekh Maxamuud, ayaa diiradda lagu saarayaa dardar-galinta hawlgallada dalka looga ciribtirayo kooxaha AS iyo xasillinta deegaannada la xoreeyay iyo sidii loo gaarsiin lahaa addeegyada aasaasiga ah ee dowladda.

Shirka ayaa waxa sidoo kale ka qaybgalaya Ra’iisul Wasaare ku xigeenka Mudane Saalax Axamed Jaamac, Madaxweynaha Galmudug Mudane Axmed Cabdi Kaariye (Qoorqoor), Madaxweynaha Jubbaland Mudane Axmed Maxamed Islaan, Madaxweynaha Koonfur Galbeed Mudane Cabdicasiis Xasan Maxamed (Lafta-gareen), Madaxweynaha Hirshabeelle Mudane Cali Cabdullaahi Xuseen (Cali Guudlaawe) iyo Guddoomiyaha gobolka Benaadir Mudane Yuusuf Xuseen Jimcaale Maddaale.

PUNTLAND POST

The post Shirka Madasha Wada-tashiga Qaran oo maanta ka furmay Dhuusamareeb appeared first on Puntland Post.