Xildhibaan Guruuje oo Booqday Xarunta Ciidanka Debdamiska Hargeysa

[Deeq A.]

Xildhibaan Guruuje oo Booqday Xarunta Ciidanka Debdamiska Hargeysa

Hargeysa(Qaran news) – Xildhibaan Axmed Yuusuf Nuur (Guruuje), ayaa maanta booqasho ku tagey taliska guud ee Ciidanka Dab-demiska Qaranka JSL ee magaalada Hargeysa, waxaa halkaa ku Qaabilay Taliyaha Ciidanka Dab-demiska Sareeye guuto Axmed Maxamed Xasan Sawaaxili.

Ujeeddada kulankan ayaa salka ku haysay sidii xildhibaanku uu ugu kuurgali lahaa shaqada Ciidamada Dabdemiska Qaranka.

Xildhibaan Guruuje ayaa ka mahadnaqay soo dhawaynta loo sameeyay waxaanuu ciidamada Dab-demiska ku boggaadiyay shaqada wanaagsan ee nafhurka ah ee ay Qaranka u hayaan, waxaanu ku booriyay in ciidamadu dadaalka halkaa ka sii wadaan.

Kulankan waxaa Taliyaha ku wehelinayay hogaanka Maamulka iyo Maaliyada Amran Axmed Baashe.

Qaran News