Murrashax Cirro oo ka hadlay dagaalkii maanta ka dhacay Go’da yar oo khasaare badan dhaliyay.

[Deeq A.]

Murrashax Cirro oo Ka Hadlay dagaalkii maanta ka Dhacay Go’da Yar oo khasaare badan dhaliyay.

Murrashax Cirro wuxuu madaxweynaha ugu baaqay inuu ciidamada ka soo qaado deegaanka Buurta Gacanlibaax, waxa kaloo uu ku booriyay dadka hubaysan ee shacabka ah inay qoryaha dhigaan. Waxaanu tacsi u diray qoysaskii dadkii ku dhintay dagaalkaas.

“Annigu shakhsiyan kursiga aan doonayo ee Madaxweynaha Jamhuuriyadda Somaliland, waxaa igala qiimo weyn dhiigga hal muwaadin oo dadkayga ah oo daata,”ayuu yidhi Murrashax Cirro

Waxa kaloo uu tilmaamay in xisbigoodu u taagan yahay nabad waxaanu yidhi”Xisbiga WADDANI waxa uu u taagan yahay, nabadda, wadajirka iyo midnimada umadda waana shay lama taabtaan ah.”

Cabdiraxmaan Cirro oo hadalkiisa sii watay wuxuu yidhi “Annagu ma rumeysnin, waanu ka soo horjeednaa, mana taageersanin, in xalku noqdo xabad, xoog iyo is muquunin, Xukuumadda Muuse waxa aan ugu baaqayaa in nabadda fursad la siiyo ay ka soo qaaddo ciidanka, shacabka hubeysanna waxa aan leeyahay qoriga dhiga.”

Qaran News