Hay’adda Sirdoonka Soomaaliya oo shaacisay in ay fashilisay gaari qaraxyo siday

[Deeq A.]

Hay’adda nabad-sugidda iyo sirdoonka Soomaaliya ee NISA ayaa sida ay shaacisay waxay fashilisay gaari qaraxyo siday.

War kooban oo ka soo baxay hay’adda nabad-sugidda iyo sirdoonka ee NISA ayaa lagu sheegay in gaarigaas qaraxyada siday gacanta lagu dhigay.

Hay’adda NISA ayaa sheegtay in gaariga qaraxyada siday lagu qabtay degaanka Ceelasha biyaha ee duleedka Muqdisho sida ku xusan qoraalka hay’adda.

Qoraalka oo lagu daabacay bogga NISA ku leedahay barta bulshada ee ‘X’ ayaa sidoo kale tilmaamay in toogasho lagu dilay darawelkii gaariga kadib markii uu isku dayay in uu baxsado.

“Ciidamada sida gaarka ah u tababaran ee ku sugan deegaanka Ceelasha-Biyaha ayaa gacanta ku dhigay gaari siday walxaha qarxa” ayay tiri NISA.

“Waxaana la dilay darawalkii waday kadib markii uu isku dayay inuu baxsado” ayay intaas ku dartay hay’adda sirdoonka Soomaaliya.

PUNTLAND POST

The post Hay’adda Sirdoonka Soomaaliya oo shaacisay in ay fashilisay gaari qaraxyo siday appeared first on Puntland Post.