Garaad Jamac garaadka garaada DH oo si diiran loogu soo dhoweyey Hol Hol +picz

[Garaad Bari]

Waxaa maalinimadii shalay ka ambabaxay Magaalada Laascaanood ee xarunta Gobolka Sool, Garaad Jaamac Garaad Ismaaciil oo kamid ah madax dhaqameed gobolada Sool, Sanaag iyo Cayn (SSC).

 

 

Garaadka, ayaa u kicitimay Deegaanka Hol Hol oo ka tirsan Degmada Taleex ee gobolka Sool, halkaas oo lagu wado in ka qabsoomo shir wadatashi oo ay yeelan doonaan dhammaanba Madax-Dhaqameedka Gobolada SSC ee Somalia .

 

 

Garaad Jaamac Garaad Ismaaciil, ayaa ah garaadka fidiyay gogosha shirka Hol Hol ee ay martida u yihiin dhammaanba madax dhaqameedka Gobaladaasi saddexda ah, iyadoo Garaadka si weyn loogu soo dhaweeyay Magaalada Hol Hol dad wayne aad ufara badan kuwaasi oo qiyaastii meel ujirta magaalada hal kiiloomitir (1km) kaga hor tagay iyagoo wata baabuur iyo fardo waxaana garaadka loo galbiyay hoygii loo diyaariyay isaga iyo madaxda kale ee imaanaysaba .

 

 

Waxaa la filayaa dhammaanba madax dhaqameedka gobolada SSC, inay maanta soogaaraan Magaalada Hol Hol halkaas oo baryahanba ay ka socotay diyaar Garoow aad ubalaaran oo ah sidii uu uqabsoomi lahaa shirkani.

 

 

Waxaa la filayaa in shirkan la isku sooqaado xaaladaha cakiran ee gobolada Sool, Sanaag iyo Cayn iyo sidii looga gudbilahaaba. Hadal haynta ugu badan ee guud ahaanba gudaha iyo dibada dadka gobolada SSC, ayaa ah shirka Hol Hol iyo waxa laga filan karo .

 

 

Waxaa soo badanaya baaq yada ay jaaliyadaha SSC usoo dirayaan shirka Hol Hol iyo taageeridiisaba, waxaa iyana sidoo kale baaq soo saaray ururka NSUM SOMALIA kaas oo ugu baaqay madax dhaqameedka inay shirka kasoo saaraan go’aamo la fulin karo laguna midoobi karo islamarahaantaana isimadu ay ku mideeyaan fikirkooda isku meelna ka duulaana islana jaan qaadaan.

 

 

Ma ahan markii ugu horaysay oo madax dhaqameedka SSC, shir isugu yimaadaan waxaana jirtay in marar badan lagu qabtay magaalada boocame shirar kan la mid balse waxaa jirta in manta cid kastaba ay indhaha ku hayso oo uu dadwaynaha deegaanadan uga duwan yahay dhammaanba shirarkii hore lasoo qabtay.

 

 

Sourse