Tababar sare oo loo soo Xidhay Saraakiil ka Tirsan Ciidanka Qaranka

[Deeq A.]

Tababar sare oo loo soo Xidhay Saraakiil ka Tirsan Ciidanka Qaranka

Hargeysa(Qaran news)-Wasiirka wasaaradda gaashandhiga Jamhuuriyadda Somaliland, Mudane Cabdiqani Maxamuud ayaa maanta tababar u soo xidhay saraakiil sar sare oo ka tirsan ciidanka Qaranka JSL.

Tabbabarkan saraakiisha loo soo xidhay socday muddo 4 bilooda, kaas oo lagu baray saraakiishan xirfadaha GIS iyo Topograph, isla markaana dalka dibeddisa loo tagi jiray.

Wasaaradda gaashandhiga JSL iyada oo ka duulaysa muhiimada ay ciidanka u leedahay barashada xirfadahani ayay ka suurtagelisay markii u horraysay in dalka gudihiisa lagu lagu barto.

Munaasibada xidhitaanka tababarkan waxa ka soo qaybgalay wasiirka wasaaradda gaashandhiga Cabdiqani Maxamuud Caateey (Fariid), agaasimaha guud ee wasaaraddaasi Mustafe Cumar Faarax iyo Abaanduulaha ciidanka Qaranka JSL, Cabdirisaaq Siciid Bulaale (Af Guduud).

Qaran News