Daaw: R/W Xamsa oo sheegay in xukuumadiisu ay ka guureyso Madaxtooyada

[Deeq A.]

Muqdisho (Caasimada Online) – Ra’iisul Wasaaraha XFS Xamsa Cabdi Barre, ayaa galabta degmada Heliwaa kaga qayb kulan lagu xoojinayo wada shaqeynta hay’adaha nabad-galiyada iyo maamulka Gobalka Banaadir.

R/Wasaare ayaa galabta kulankaas ka sheegay in xuukumadiisu ay ka guuri doonto Madaxtooyada oo golaha wasiirrada ay degi doonaan xarunta Xisbiga.

Intii ay jirtay xukuumadii Xasan Cali Kheyre ayaa dib loo dhisay xaruntii hore ee Xisbiga, waxaana loo diyaariyey inay degto xukuumadda Soomaaliya, balse waxay ka suurta-geli weysay amniga Muqdisho.

R/Wasaare Xamse hadda wuxuu sheegay in amniga Muqdisho uu soo hagaagayo, isla markaana ay xukuumadiisu mar dhow u guuri doonto xaruntaas loo diyaariyey, sida hey’adaha dowladda loogu balaariyo Muqdisho.

Sidoo kale wuxuu sheegay in dhawaan ay soo saarayaan amar dadka looga saarayo dhismayaasha ku yaalla aagga xaruntaas, si xukuumadda ay ugu suurta-gasho inay soo degto.

“Hadda waxaan wadnaa qorshe aan dadka ku amreyno inay ka guuraan aagga xarunta Xisbiga iyo inaan hagaajino xafiisyadii lagu shaqeyn lahaa, laakiin wax amni darro ah oo loo xiran yahay hadda kadib ma jiraan,” ayuu yiri R/Wasaare Xamse.

Wuxuu sheegay in amniga caasimadda Muqdisho uu soo hagaagay kadib markii ay waqti badan geliyeen, taas oo suurta-gelisay in maanta ay ku xafladeynayaan degmada Heliwaa.

“Cabsi ma qabo, xittaa waan ku hoya karnaa degmadaan Heliwaa, waxaan ku faraxsanahay in maanta aan ku xafladeyno banaanka magaalada oo carradu ay indhaha naga geleyso,” ayuu hadalkiisa ku sii daray R/Wasaare Xamse.

Hoos ka daawo

The post Daaw: R/W Xamsa oo sheegay in xukuumadiisu ay ka guureyso Madaxtooyada appeared first on Caasimada Online.