Fal-celin xooggan oo ka dhalatay xiisadd ka taagan qabuuro ku yaal Muqdisho

[Deeq A.]

Muqdisho (Caasimada Online) – Fal-celin xooggan ayaa ka dhalatay xiisad cusub oo walaac leh oo markale kasoo korortay Qabuuraha Macallin Nuur oo ku yaalla gudaha deegaanka Garasbaaley ee duleedka magaalada Muqdisho, taas oo keentay in maydadka qaar laga bixiyo halkaasi.

Dadweyne fara badan ayaa maalmihii lasoo dhaafay buux dhaafiyay Qabuurahan, kadib markii loo sheegay in la burburinayo dhulkaasi, wararkaas oo si weyn loogu baahiyay baraha bulshada ee Internet-ka.

Arrintan ayaa keentay in durbo dadka qaar oo ka walaacsan xaaladdiisa ay maydadka ehelladooda kala baxaan Qabuurahaasi oo dad badan lagu aasay, illaa 80-tameeyadii.

Walaaca arrintaas la xiriira ayaa marar badan soo noq-noqday, ayada oo horey u hadleen qoyska reer Macallin Nuur oo beeniyay in dhulkaasi la iibiyay, waxayna si cad u sheegeen in dhulka uu ahaan doono sida uu u bixiyay Aabahood oo caan ku ahaa faafinta Diinta Islaamka

Haddaba, Sidee looga fal-celiyay arrintaan?

Xamdi Cali Xasan: “Subxaanallah Ilaahay umada xaqa ha tuso war saan xal maahan dadku akhiro kama fekeraan miyaa aaway dowlad isku sheegii?. Soomaliya may degto baa la’leeyahay inta waxaas iyo wax lamida jiraan sidee waddan degan loo helayaa?.”

Cabdullaahi Axmed oo kamid dadka ka fal-celiyay arrintaan ayaa isna yiri: “Dowladdu waa in ay wax ka qabataa arrintaas oo aysan indhaha ka daawan.”

“Qabri lagu fakanmaa dhulka korkiisana lagu badbaadimaayo Mars maan uguurnaa,” ayuu yiri Ibraahim Abuukar.

Maxamed Saalax: “Meyd la qodaayo waa qalad ee wax ha laga qabto arinkaas.”

Abu-razaan Cadde ayaa isna yiri “Kan qodaayo rabi waxan uga baryaa inuu ku dhago meydka uu kasoo saari rabo qabriga, nacladii rabi ha ku degto kan soo abaabulay arrinkaan iyo kan qodaya oo bariiska meel xun ka galay Bismillahi!, war waxaan maxay ahaayen?!.”

Cabdinaasir Maxamuud Aamiin: “War Soomaaliyey dadkii banaanka joogay ayaa idinka baxsan waayay hadda kuwii akhira umooday miyaa idinka baxsan la’ waa yaabe.”

“Aniga waxan dhihi lahaa hadda kadib reer walba inta Alle wax siiyay dhulkooda waalidkood ha ku duugtaan aduunyadaan waa halowday wallaahi,” ayuu yiri Cabdiraxmaan Maxamed.

Mahad ayaa waxa isaguna yiri: “Dowladda lacag ha bixiso dhulka hala xidho, qofkii daga xabsi daa’in hala yiraahdo markaa qof u dhawaan kara majiro. Dad waa hore dhintay sidee loo soo saaraya geeri cusub iyo xanuun lama ilaawan ah ayuu ku noqon qofkii soo saare, dadka qalbiyadooda hala ilaaliyo Soomaaliyey dhulka intan xabasha ahayn naga badane goorma saan dhan cawaan loo noqday waalidka la soo bax haddii lagu odhan lahaa xanuun intee le’eg ayuu dareemaya, qofkii la dhaho wax la qiyaasi karo mahan.”

“Ceeeeb ma ahan hada mesha loo baah do maxa diiday in laga saaro oo mel kale la geeyo wayabe somalidaan war jecelka ku nacay ma xamar saan meee cariiri u ahaaneee soo lama.dagayo dhulka banan oo waa ween,” ayuu yiri Xasan Cadde.

Cabdiqaadir Cabdulle Maxamed: “Dhulkii ayaa qaali noqdey markaa ayey mar labaad soo kacsadeen miyaa?. Mar hadii la-waqfey waxaa la rabaa in la ogaado waxa isbeddelka keenay.”

Cabdikariim Cusmaan ayaa isna yiri: “Waa loo soo shaqo tagay, waana qaxootiga iyo kuwa raba inay dadka u fagaan si ay lacag uga helaan iyo kuwa raba in ay ku magac dilaan dowladda.”

“Istaqfarulaah Soomaali mayd kii xataa dhulka makaga jiri la tahay subxaana allah allow  dalkaan bad iyo dadkaan badbaadi,” ayuu yiri Maxamed Cabdullaahi Cali. 

Saciid Qasaali: “Dhulkii caadiga ahaa dadka waa ku qanci waayeen ilaa aaqiraa la isla galay miyaa?. Waar meeytadii xataa miyay nabad-gali waysay.”

The post Fal-celin xooggan oo ka dhalatay xiisadd ka taagan qabuuro ku yaal Muqdisho appeared first on Caasimada Online.