Daawo: Fiqi oo shacabka Muqdisho ugu baaqay inay berri isugu soo baxaan…

[Deeq A.]

Muqdisho (Caasimada Online) – Wasiirka arrimaha gudaha Soomaaliya Axmed Macalin Fiqi oo caawa warbaahinta la hadlay ayaa dadka reer Muqdisho ugu yeeray in berri ay isugu yimaadaan garoonka kubadda cagta ee Stadium Muqdisho.

Wasiir Fiqi ayaa sheegay in munaasabad weyn ay berri ka dhacayso halkaas, isla markaana la go’aamiyey in halkaas la isugu geeyo dadka isugu soo baxaya dabaal-degga.

Sidoo kale Fiqi wuxuu sheegay in berri uu Madaxweyne Xasan Sheekh dadka kula hadli doono Stadium Muqdisho, markii la isugu yimaado munaasabadda 1-da Luuliyo.

Sanad kasta Soomaaliya waxaa lagu qabtaa munaasabad weyn oo lagu xuso 1-da Luuliyo oo ku asteysay 63-sano ka hor markii ay xornimada qaateen gobollada koonfureed ee Soomaaliya, sidoo kalena ay midoobeen waqooyi iyo koonfur.

Kooxda Al-Shabaab ayaa looga go’ay garoonkaas oo dowladda Soomaaliya ay dhawaan dib u dayac tirtay, kadib markii ay hoobiye ku garaaceen mar lagu qabtay ciyaar kulmisay dadweyne badan.

Hadda waxaa soo hagaagay amniga Muqdisho, waxaana lagu rajo weyn yahay in munaasabadaas ay si nabad ah uga dhacdo Stadium Muqdisho, maadaama ciidanka xasilinta caasimadda ay dhanka amniga ka soo hooyeen natiijooyin amni oo bulshadu wada dareentay.

Wasiir Fiqi oo ah guddoomiyaha guddiga munaasabadaha toddobaadka xorriyada ayaa shacabka reer Muqdisho ka codsaday inay ciidamada amniga ku garabsiiyaan sugidda amniga, si munaasabadaas ay si nabdoon ugu qabsoonto.

Hoos ka daawo

The post Daawo: Fiqi oo shacabka Muqdisho ugu baaqay inay berri isugu soo baxaan… appeared first on Caasimada Online.