MALI oo dalbatay in dalkeeda si deg deg ah looga saaro ciidamada QM + Sababta

[Deeq A.]

Bamako (Caasimada Online) – Waxaa xarunta Qaramada Midoobay ka socda dood la xiriirta in la sameeyo waqti ciidamada Qaramada Midoobay ee nabad ilaalinta ah ay kaga baxaan dalka Mali.

Dooddan ayaa imaneysa, iyada oo dowladda Bamako ay dooneyso in aan dib loo dhigin ka bixista ciidanka Qaramada Midoobay ee dalkeeda.

Wasiirka Arrimaha Dibadda ee Mali Abdoulaye Diop ayaa cambaareeyey waxa uu ugu yeeray guuldarrada howl-galka nabad ilaalinta QaramadaMidoobay.

Wasiir ayaa fadhi ay lahaayeen Golaha Ammaanka waxa uu si lama filaan ah uga jeediyay dalab ah “in ciidamadaasi ay si deg deg ah uga baxaan Mali.”

Howl-galka nabad ilaalinta ee loo yaqaan Minusma oo ah kii ugu qaalisanaa ee QM oo ay sanadkii ku baxaysay lacag dhan $1.2 billion oo dollar, ayaa hadda u muuqda in uu meesha ka baxayo, iyada oo Mali oo la tacaaleysa kooxaha Jihaadiyiinta ahna ay wajihi doonto xaalad aan la ogeyn waqtigan.

Horraantii June ayuu Xogahayaha Guud ee Qaramada Midoobay Antonio Guterres ka hadlay sii joogista ciidanka Qaramada Midoobay ee Mali, iyada oo ay guud ahaan gobolka sii kordhayaan cabsida ah inay sii kordhayaan khataraha ka imanaya kooxaha xagjirka ah haddii ay ciidanka QM baxaan.

REUTERS + VOA

The post MALI oo dalbatay in dalkeeda si deg deg ah looga saaro ciidamada QM + Sababta appeared first on Caasimada Online.