Maxay tahay kooxda Awooda badan ee dooneysa inay afgembiso dowladda Ruushka?

[Deeq A.]

Hoggaamiyaha Wagner ayaa sheegay inuu xoog ku qabsaday “dhammaan xarumaha militeriga” ee magaalada Rostov-on-Don ee koonfurta Ruushka.

Sheegashada Yevgeny Prigozhin waxay ka cadheysiisay madaxweyne Putin oo ku tilmaamay “dhabar ka toogasho” wuxuuna ballanqaaday inuu ciqaabayo kuwa “khiyaamay” Ruushka.

Prigozhin wuxuu sheegay in u jeedkiisu aheyn “afgambi militri balse ay aheyd

mid cadaaladeed” taas oo timid kaddib dagaal dheer oo ay la galeen madaxda militiriga oo sii xoogeystay.

Kooxda Wanger waa calooshood u shaqeystayaal ka dhinac dagaallamayaya militeriga Ruushka ee Ukraine. Waxaa lagu qiyaasay in kumannaan Wanger ah ay halkaas joogaan.

Qeyb weyn ayey ka qaateen dagaalka dheer ee hantida badan ku baxday ee ciidamada Ukraine lagaga qabsaday magaalada Bakhmut.

Kooxda waxay isku tilmaamaan “shirkad militeri oo gaar loo leeyahay”, balse dowladda Ruushka ayaa dhawaan qaadday tallaabooyin loo arkay inay ku xakameyneyso.

23-kii Juun ayuu Prigozhin sheegay in qiilka u yeelayo Ruushka dagaalka Ukraine aanu sal laheyn ee uu yahay mid uu wasiirka difaaca Sergei Shoigu sumcaddiisa kor ugu qaadayo.

Magaca sida rasmiga kooxda loogu yaqaan waa PMC. Markii ugu horreysay waxaa la ogaaday 2014-kii markaas oo ay caawinayeen goonni u goostada Ruushka taageersan ee bariga Ukraine.

Markaas waxay ahaayeen koox qarsoodi ah oo inta badan ka howlgala Afrika iyo Bariga Dhexe, waxaana loo haystay inay gaarayaan 5,000 oo dagaalyahan, intooda badan ay ahaayeen ciidamadii hore ee Ruushka.

Ilaa markaa kaddib si weyn ayey u xoogeysteen.

“Askarta Wanger ee hadda jooga Ukraine waa 50,000, muhiim ayeyna u yihiin dagaalka Ukraine. Wasaaradda Difaaca UK ayaa sheegtay bishii Janaayo in kooxda ay qorteen dad badan 2022-kii sababtoo ah Ruushka ayey dhibaato ka haysatay ciidamadooda joogtada ah.

Ku dhawaad 80% ciidamada Wanger ee Ukraine xabsiyada ayaa laga soo saaray sidaasina waxaa sheegay horraantii sanadkan golaha ammaanka u qaabilsan Mareykanka.

Inkastoo calooshood u shaqeystayaasha aysan sharci ka aheyn Ruushka haddana kooxda Wanger waxaa loo diwaangeliyay 2022-kii shirkad ahaan, waxayna xarun cusub ka furteen St Petersburg.

“Si cad ayey magaalooyinka Ruushka askar uga qoranayaan, waxayna warbaahinta Ruushka ugu yeeraan urur wadani ah”, ayuu yidhi Dr. Samuel Ramani oo ka tirsan machadka RUSI.

Sidee lagu dhisay kooxda Wanger?

Baadhis ay BBC-da ku sameysay kooxda Wanger ayaa muujisay inuu ku lug leeyahay Dmitri Utkin oo hore uga tirsanaa militeriga Ruushka.

Waa askari hore uga soo qeybgalay dagaalkii Chechnya. Waxaana la aaminsan yahay inuu ahaa abaanduulihii ugu horeeyay kooxda la magacaabo.

Hoggaamiyaha kooxda hadda Prigozhin waa ganacade lagu naaneeso “cunto kariyaha Putin” sababtoo ah Kremlin-ka ayuu u qaabilsanaa cuntada.

“Howlgalkii ugu horeeyay Wanger waxay Ruushka ka caawiyeen inay qabsadaan Crimea 2014kii”, ayey tiri Tracey German oo jaamacadda Kings College London ka tirsan.

Maxaa sababay inay isku dhacaan Wagner iyo taliyayaasha militeriga Ruushka?

Prigozhin ayaa dhawaan wasiirka difaaca Shoigu iyo taliyaha ciidanka Ukraine ka dagaallamaya Valery Gerasimov ku eedeeyay karti la’aan iyo inay sahayda kooxda Wagner hoos u dhigeen.

Wasaaradda difaaca ee Ruushka waxay hadda sheegtay “qaabka mutadawacnimada” ee Ukraine lagu tagayo waa in iyaga heshiis lagula galaa ilaa dhammaadka Juun.

Balse Prigozhin ayaa soo saaray qoraal uu ku diidayo isagoo ku dhawaaqay in ciidamadiisu qaadacayaan heshiiska.

Halkee kale ayey ka howlgalaan kooxda Wagner?.

Ilaa 2015kii waxay kooxda joogeen Suuriya iyagoo ka dhinac dagaallamayay ciidamada dowladda.

Sidoo kale kooxda waxay ciidamo ka joogeen Libiya kuwaas oo taageerayay ciidamada Janaraal Khalifa Hafter.

Jamhuuriyadda Afrikada dhece (CAR) ayaa ku casuuntay kooxda inay ilaaliyaan gododka macdanta laga qodo, waxaana la aaminsan yahay inay ilaaliyaan gododka macdanta ee Sudan.

Dowladda Mali ayaa kooxda Wanger u adeegsaneysa inay kula dagaallanto xagjiriinta.

Prigozhin waxaa la rumeysan yahay inuu lacag ka sameynayo howlgallada Wagner. Mareykanku waxay sheegeen in joogistiisa ay hanti badan soo gelineyso shirkadihiisa.

Dambiyo ceynkee ah ayaa kooxda Wagner lagu eedeynayaa inay galeen?

Bishii Janaayo, taliye hore ayaa dalka Norway magangalyo ka dalbaday kaddib markii uu ka soo baxay kooxda. Wuxuu sheegtay inuu goobjoog u ahaa dambiyo dagaal oo ka dhacay Ukraine.

Saddex xubnood oo kooxda ka tirsan ayey Ukraine ku eedeysay inay jirdil iyo dilid ugu geysteen rayid meel u dhow Kyiv bishii Aoril 2022-kii.

Sirdoonka Jarmalka waxay sheegeen in sidoo kale lagu eedeynayo calooshood u shaqeystayaasha Wanger ee Jooga Jamhuuriyadda Afrika Dhexe inay galeen kufsi iyo dhac rayid loo geystay.

Sanadkii2020-kii waxay Mareykanka ku eedeeyeen kooxda inay miinada dhulka iyo qaraxyo kale ka geysgteen meel u dhow caasimadda Libiya ee Tiroli.

Source