Labada maalqabeen ee Elon Musk iyo Mark Zuckerberg oo tartan feedh feedh ah isku ballansaday

[Deeq A.]

Labada maalqabeen ee iska leh baraha bulshada ee ugu saameynta weyn dunida, Mark Zuckerberg iyo Elon Musk ayaa isku balansaday inay feedhtamaan. Labada nin ee ugu taajirsan tiknoolijiyadda dunida ayaa ku balamay goob qafilan oo ciyaarta feedhka iyo legdanku ka dhaco.

Musk ayaa fariin uu soo dhigay bartiisa Twitter-ka waxa uu ku sheegay in uu “diyaar u yahay dagaal kadhaco goobta qafilan” isaga iyo Mr Zuckerberg.

Zuckerberg, oo ah madaxa shirkadda leh Facebook iyo Instagram ee Meta, ayaa dabadeed soo dhigay sawir uu Mr Musk soo dhigay bartiisa twitter-ka wuxuuna ku soo dul qoray “isoodir goobta aad joogto”.

Musk 52 sano jir noqonaya dhammaadka bishan ayaa markaas ugu jawaabay qoraalka Mr Zuckerberg in uu joogo “Vegas Octagon.” Waxa uu goor dambe faafiyay muuqaal loo fahmay in uu ku muujinayo in farrintiisu kaftan tahay.

“Weligey ma sameeyn jimicsi aan ahayn in aan carruurteyda kor u qaadqaado oo aan kor u tuurtuuro,” ayuu yidhi. Laakiin Zuckerberg oo 39 jir ah waxa uu muddo dheer baranayay feedhka iyo laaga, isaga oo dhawaan ku guuleystay tartan sare.

balse haatan war kasoo kordhay mulkiilaha Twitter ayaa sheegay in uu haatanba diyaar garoobayo.

Elon Musk ayaa sheegay sabtida inuu bilaabi doono tababarka hadii uu qaabeeyo dagaalka isku dhafka ah ee fanka kadib markii uu ka xanaajiyay ninka maalqabeenka ah ee Mark Zuckerberg.

Milkiilaha Twitter-ka Musk ayaa Talaadadii soo dhigay bartiisa twitter-ka inuu u diyaar garoobay ciyaar ka dhacda Las Vegas taas oo kala dhaxaysa Zuckerberg, oo ah maamulaha shirkadda Meta (META.O), kaasoo ku tababartay jiu-jitsu.

“Weli ma bilaabin tababarka. Markaa haddii ay tani dhacdo, waan sameyn doonaa,” Musk ayaa ku yidhi hadal uu ku soo qoray Twitter-ka.

Ciyaarta “waxaa laga yaabaa inay dhab ahaantii dhacdo” ayuu yidhi Musk isagoo ka qaybgalaya xaflad dhalasho oo Yurub ah, isagoo intaas ku daray inay suurtagal tahay inay si xun u dhacdo haddii Zuckerberg uu si dhab ah u qaato ciyaarta.

Source