Puntland: Qardho, Garowe, Las Canood Get More Rain

[Cowke]

GAROOWE: Roobab ma hiigaan ah oo ka da'ay Garoowe, Laascaanood , Qardho.

Posted to the Web Oct 12, 03:48

 

Garoowe: (pp)- Roobab ma hiigaan ah ayaa qabtay magaalooyinka Qardho, Garoowe iyo Magaalada laascaanood , roobabkaas oo ahaa kuwo lixaad leh oo ay ku qobowsadeen dadka ku nool deegaanadaas.

 

Roobabkaan ayaa goobaha qaarkood ka gaystay dhibaatooyin aan saas u weynayn , iyadoo ay roobabkaas ay wateen Dabaylo iyo Baraha roobka oo aad u xoog weynaa.

 

Roobkan ayaa ka da' ay magaalada Qardho iyo Nawaaxigeeda, Laascaanood iyo Magaala madaxda Puntland Garoowe, isagoo si fiican u qabtay goobaha ka baxsan magaalooyinka ee ay daaqaan Xoolaha.

 

Roobabkaan ayaa meelaha qaarkood ka da'ayey muddo lagu qiyaasay 24-saacadood in ka badan oo isku xiga.

 

Magaalada Garoowe ayuu Roobkan haayey ilaa shalay iyo Saaka Subaxii hore , iyagoo biyaha Roobku ay xireen goobo mihiim ah oo ay dadka Rayidka ah ay horay u mari jireen.

 

Roobabkan ayaa waxay kaloo dhibaato u geysteen dadka Qaxootiga ah ee degan banaanka Magaalada , kuwaas oo Guryaha ay ku nool yihiin ay ka samaysan yihiin Kartoomo iyo Bacooyin aan xajin karin Baraha Roobka.

 

Saciid C/salaan

Puntlandpost- Garoowe, soomaaliya