Xeer Ilaalinta Puntland oo ka laabatay warqadii soo xirista siyaasiyiinta mucaaradka ah

[Deeq A.]

Xeer ilaaliyaha guud ee dowladda Puntland Axmed Maxamed Yuusuf Taaran ayaa maanta oo Isniin ah ka laabtay warqaddii soo xirista siyaasiyiin kamid ah mucaaradka.

Warqad rasmi ah oo uu qoray xeer ilaaliyaha guud Axmed Taaran ayuu ku caddeeyay in uu ka laabtay dacwaddii soo xirista siyaasiyiinta kala ah; Maxamuud Shiddo, Xasan Abgaal, Khadar Cabdiraxmaan Faroole iyo Maxamed Leysar.

Ilo wareedyo lagu kalsoon yahay ayaa noo xaqiijiyay in warqadda dacwad kala laabashada siyaasiyiintan ay ka danbaysay kadib markii isfaham laga gaaray xiisaddii la xiriirtay doorashooyinka qof iyo cod ee ka taagnayd Garoowe.

PUNTLAND POST

The post Xeer Ilaalinta Puntland oo ka laabatay warqadii soo xirista siyaasiyiinta mucaaradka ah appeared first on Puntland Post.