Fatahaad xooggan oo saamaysay magaalada Beledweyne

[Deeq A.]

Shacabka magaalada Beledweyne ayaa maalintii saddexaad ka barakacaya xaafadaha magaalada oo Fatahaadda Webigu aad u saameysay.

Magaalada Beledweyne ayaa lagu soo waramayaa in hadda Badanaa fatahaadda wabigu saameysay xaafaddaha oo dadku banaanka uga baxeen waxaana jira daruufo badan oo dadkii magaalada ka baxay ay wajahayaan.

Barakaca ay sameeynayaan dadka deegaanka ayaa xooggiisa ka socdo Xaawo Taako, Howlwadaag, Kooshin iyo Buundo Weyn, waxa ayna dadkii ku dhaqnaa xaafadahaasi ay u qaxeen duleedka Baladweyne iyo deegaano hoostaga magaaladaas.

Biyaha webiga ayaa dhex ceegaaga guryaha ku yaalla Baladweyne, waxaana wararka qaarkood ay sheegayaan inay jiraan qoysas badan oo ku go’doodsan gudaha magaalada oo ay la’yihiin meel ay uga baxaan biyaha webiga oo xad-dhaaf u fatahayo.

PUNTLAND POST

The post Fatahaad xooggan oo saamaysay magaalada Beledweyne appeared first on Puntland Post.