Madaxweynaha Puntland oo jawaab adag siiyay madaxda dowladda Federaalka iyo hoggaamiyaha Somaliland

[Deeq A.]

Madaxweynaha dowladda Puntland Siciid Deni oo galabta fagaare ku yaalla Gaalkacyo kula hadlayay taageerayaasha urur siyaasadeedka xukuumadda ee Kaah ayaa jawaab adag siiyay madaxda dowladda Federaalka Soomaaliya iyo hoggaamiyaha Somaliland.

Madaxweyne Siciid Deni ayaa khudbaddiisa galabta uu ka jeediyay magaalada Gaalkacyo waxa uu ku sheegay in Puntland ay duullaan midaysan kusoo qaadeen Somaliland & dawladda Federaalka ah waxaana uu caddeeyay in ay ka hortagayaan duullaankaas oo aan marnaba Puntland laysku dayi karin in lagu abyoodo.

“Muuse Biixi iyo Xassan Sheekh waa ka mideysan yihiin hadaladooda Laascaanood. Shirkii Saddex Geesoodka ahaa ee Laascaanood lagu burburiyey haddana la rabo in Dawlada Puntland lagu burburiyo fariintiisa waa nasoo gaartey, difaaceedana diyaar baanu u nahay” ayuu yiri madaxweynaha Puntland.

Madaxweynaha Puntland ayaa sidoo kale madaxda dowladda Federaalka Soomaaliya ku tilmaamay kuwa diidan in lagu dhaqmo nidaamka Federaalismka ee dalka islamarkaana hadda raadinaya in ay fashiliyaan doorashooyinka qof iyo cod ee Puntland doonayso in ay hirgeliso.

Halkaan ka daawo muuqaalka madaxweynaha

PUNTLAND POST

The post Madaxweynaha Puntland oo jawaab adag siiyay madaxda dowladda Federaalka iyo hoggaamiyaha Somaliland appeared first on Puntland Post.