Shirkadda Calooshooda u shaqeystayaalka Ruushka ee Wagner Goup oo iska fogeyay iney ku lug leedahay dagaalka ka socda dalka Sudan

[Deeq A.]

Shirkadda Wagner oo iska fogeysay iney ku lug leedahay dagaalka ka socda dalka Sudan

Shirkadda Wagner group

Madaxa shirkadda calooshood u shaqeystayaasha Ruushka ee Wagner Group, Yevgeny Prigozhin, ayaa sheegay in shirkaddooda militariga ee gaarka loo leeyahay, aysan qeyb ka ahayn dagaalka ka socda dalka Suudaan in ka badan laba sano.

“Waxaan kuu sheegi karaa hubaal buuxa, oo sax ah, maanta, ma jirto wax katirsan shirkadda milatariga ee gaarka loo leeyahay (PMC) Wagner oo qeyb ka ah dagaalka Sudan.

“Mr Prigozhin ayaa sidaasi ku sheegay qoraal uu soo dhigay qeybta Telegram-ka ee Kepka Prigozhina (Prigozhin’s Hat).

Waxa uu u jawaabayay saxafi ka tirsan majaladda afka Faransiiska ku hadasha ee Jeune Afrique, oo waydiisay in kooxda Wagner ay taageerto kooxda loo yaqaan RSF, ee dagaalka kala soo horjeeda militariga Sudan.

Urur ay ku mideysan yihiin dhaqaatiirta Suudaan, ayaa sheegay in 39 ka mid ah 59-ka isbitaal ee ku yaalla caasimadda Khartoum iyo gobollada ku dhow, ay yihiin kuwo haatan “aanan fidin Karin adeeg” taasoo muujineysa xaaladda bini’aadantinimo ee ka sii dareysa ee dalka Sudan.

Qaran News