Hawlgal ka dhan ah Al-shabaab oo ka socda Gobolka Hiiraan

[Deeq A.]

Ciidamada xoogga dalka iyo kuwa degaanka ayaa howlgallo ka dhan ah Al-shabaab waxay ka wadaan degaanno ka tirsan gobolka Hiiraan.

Howlgalkas waxa hoggaaminayo Guddoomiyaha gobolka Hiiraan Cali Jeyte Cismaan oo ay wehlinayaan saraakiil ciidan oo ay kamidyihiin Taliyaha guutada 5-aad qeybta 27-aad Korneyl Maxamuud Xasan Ibraahim Baakay Taliyaha qeybta 27-aad ee Janeraal Tawane Axmed Maxamed iyo Mas’uuliyiin kale.

Ciidamda xoogga iyo kuwa dib-u-xoreynta degaanka ee Gobolka Hiiraan ayaa lagu soo waramayaa in ay kaabiga ku hayaan degaanka Booco oo dhaca qiyaastii 50KM Koonfurta Magaalada Beledweyne.

Guddoomiyaha Maamulka Gobolka Hiiraan Cali jeyte Cismaan ayaa sheegay in looga baahan yahay Ciidamada xoogga dalka iyo kuwa degaanka oo iskaashanaya in ay si wadajir ah Al-shabaab uga saaraan degaannada ay kaga hareen Gobolka Hiiraan.

PUNTLAND POST

The post Hawlgal ka dhan ah Al-shabaab oo ka socda Gobolka Hiiraan appeared first on Puntland Post.