Dawladda Jarmalka oo 48 saacadood u qabtay in ay dalkeeda kaga baxdo safiirka waddanka Jaad

[Deeq A.]

Dawladda Jarmalka ayaa 48 saacadood u qabtay in ay dalkeeda kaga baxdo Maryama Cali Muuse oo ahayd safiirka waddanka Jaad u fadhiday dalka Jarmalka.

Baarliin ayaa sheegtay in tan lagaga jawaabayo tallaabadii ay dawladda Jaad toddobaadkii hore ku eriday danjirohoodii Gordon Kricke, kaas oo lagu edeeyey in uu u dhaqmay si ka baxsan Diblumaasiyadda iyo shaqadii loo igmaday.

Tallaabadan ayaa cirka kusii shareeri doonta khilaafka Diblumaasiyadeed ee labada dal.

Source