Ra’iisulwasaare Ku-xigeenka oo Daah-Furay Shir Looga Hadlayay Hormarinta Biyaha Soomaaliya

Deeq A. · March 1, 2023

Ra’iisul Wasaare Ku Xigeenka Xukuumadda Federaalka Soomaaliya Mudane Saalax Axmed Jaamac ayaa furay shir looga hadlayo horumarinta Biyaha Soomaaliya, kaas oo ay ka qeyb galayaan mas’uuliyiin kale duwan iyo kuwa ka socday Beesha Caalamka iyo saaxiibada daneeya Soomaaliya

Shirka oo , ayaa diiradda lagu saaray hannaanka horumarinta Biyaha Soomaaliya, si looga hortago biyo yaraanta iyo in laga faa’iideysto roobabka, loona sameeyo dadka reer miyigia biyo xireenno keyd u noqda, iyadoo xilligaan dalka ay ka jiraan Abaaro xoogan dadka ayku adag tahay in ar keydsadaan Roobka.

Ra’iisul Wasaare Ku Xigeenka oo munaasabadda hadal ka jeediyey ayaa tilmaamay in biyuhu ay yihiin laf dhabarta nolosha, bulshadeenuna baahi weyn u qabto. Xukuumadduna ay xoogga saareyso sidii xal waara loogu heli lahaa biyo yaraanta iyo gaajada ku soo laalaabta dadkeenna.

, Ra’iisul Wasaaraha wuxuu sheegay in dowladdu wax ka qabaneyso xaaladda biyo la’aanta ka jirta goobaha dhowaan laga xorreeyay kooxaha Al-shabaab oo burburiyey ilo-biyoodyadii ku yaalay deegaannadaasi, xilli ay ciidanka dowladda kala kulmeen dagaallo looga saaray deegaanno badan.

Munaasabadda oo ay soo qabanqaabisay Wasaaradda Biyaha iyo Tamarta ayaa waxaa ka soo qeyb galay Wasaaradda Beeraha Dhirta iyo Waraabka, Wasaaradaha Heer Dowlad Gobaleed, Hay’adaha Deeq-bixiyeyaasha, Urur Goboleedka IGAD iyo Qaramada Midoobay.