Jacaylbaro Posted June 22, 2009 Jabhadda ONLF ayaa ugu baaqday dhinacyada Soomaalida in ay ka tashadaan aayaha Dalkooda iyagoo sheegay in ay jiraan qorshayaal caalami ah oo shisheeye oo la doonayo in Soomaaliya markale lagu galiyo Gumaysi Cusub. Xoghayaha Warfaafinta Jabhadda ONLF Xuseen Nuur oo u waramayay Idaacada Shabelle ayaa ugu baaqay dowladda KMG iyo xoogaga ka soo horjeeda in ay dagaalka joojiyaan islamarkaana wadahadal ay ku dhameeyaan arinta ka dhaxaysa. Waxa uu ka codsaday Xuseen Nuur Barlamanka KMG Soomaaliya in uu ka laabto go’aankii dhawaan uu ku dalbaday ciidamada Shisheeye isagoo tilmaamay taasi in ay keeni karto qorshayaal caalami ah oo mar kale dib loogu celiyo Soomaaliya Gumaysi Cusub. Xoghayaha Warfaafinta Jabhadda ONLF Xuseen Nuur waxaa uu wax laga xumaado ku tilmaamay qorshihii Barlamanka KMG Soomaaliya ay ku dalbadeen ciidamada dariska la ah Soomaaliya,isagoo sheegay in ay horay u sheegeen wadamda Kenya iyo Ethiopia in aysan ogolaan doonin dowladd rasmi ah oo ka dhalata Soomaaliya. Hadalka Jabhadda ONLF ayaa imaanaya xili maalmo ka hor kulan ay ku yeesheen mudanayaasha Barlamanka gudaha Magaalada Muqdisho ay ku dalbadeen in wadanka Soomaaliya la keeno Ciidamo garab istaaga dowladda KMG Soomaaliya. Quote Share this post Link to post Share on other sites
