Shirka Beelaha Dhulbahante Oo Maanta Ka Furmaya Laascaanood

[Deeq A.]

(SLT-Laascaanood)-Shirweynaha Sool clan ayaa maanta oo Sabti ah la filayaa inuu si rasmi ah uga furmo magaalada Laascaanood ee xarunta gobolka Sool.

Shirka oo maalmihii la soo dhaafay ay qaban qaabadiisa socotay ayaan illaa hadda la ogayn waxa  diirada lagu saari doono balse wararka qaar ayaa sheegaya in shirka go’aan lagaga gaadhi doono masiirka magaalada Laascaanood.

Hoggaanka Isimada Dhaqanka ee ugu sarreeya beelaha Sool clan ayaa ku wada sugan halka shirkan lagu qabanayo.

Shirkan ayaa ka dhashay kacdoonka ay sameynayeen shacabka magalada oo ka cadhooday dilal ka dhacay Laascaanood loogu geysanayo haldoorka magaalada, waxaana magaaladaasi ka dhacay dibadbaxyo lagaga soo hor-jeedo dilalkan.

Xukuumadda Somaliland ayaa si taxadar leh ula socota shirka beelaha Sool clan, waxa ayna isha ku haysaa war-murtiyeedka lagu wado in shirka laga soo saaro.

Muddo saddex maalmood ah ayuu socon doonaa shirku, waxana la filayaa in qodobo laga soo saaro dhammaadka shirka.

Source