Qaabka ay ciidamada Somaliland ula dhaqmayaan dadka mudaharaadka ka wada magaalada Laascaanood oo la cambaareeyay

[Deeq A.]

Xarunta xuquuqal insaanka madaxa bannaan ee Somaliland ayaa cambaaraysay qaabka ciidamada Somaliland ula dhaqmayaan dadka mudaharaadka  ka wada magaalada Laascaanood.

guddoomiyaha xarunta Yaasmiin Cumar, ayaa sheegtay in ay diiwaan geliyeen dhimasho, dhaawac iyo xadhig loo gaystay mudaharaadayaasha.

Shacabka Laascaanood ayaa markii hore ka mudaharaadayay dilalka haldoorka magalada oo aan cid loo soo qaban balse markii dambe shacabku waxa ay dalbanayaan in Somaliland ka baxdo magaalada iyo deegaamadooda kale.

Mucaaradka Somaliland ayaa xukuumadda ku dhaliilay wax ka qabasho la’aanta ammaanka magaalada Laascaanood iyo weliba sida ay markii dambe ula dhaqantay dadka shacabka ah ee dareenkooda muujiyay.

Somaliland ayaa wafdi u dirtay Laascaanood si xaaladda loo dejiyo.

Source