President Yusuf and PM Geedi return to Jowhar...

[General Duke]

Jowhar: Madaxwaynaha Soomaaliya C/llaahi Yuusuf iyo wafdi la socda oo lagu soo dhaweeyay magaalada Jowhar.

- Wednesday, February 15, 2006 at 14:36

 

Jowhar(AllPuntland)- Madaxwaynaha Soomaaliya Md: C/laahi Yuusuf iyo wafdi uu hogaaminayo ayaa goor dhow ka dagay garoonka diyaaradaha magaalada Jowhar.

 

Dadwaynaha magaalada Jowhar oo ay hor kacayaan siyaasiyiinta ka tirsan golayaasha dawladda Soomaaliya iyo maamulka gobolka Shabeellada dhexe ayaa halkaasi kusoo dhaweeyay madaxwayne Yusuuf.

 

Madaxwaynaha ayaa saacad iyo bar ka hor ka duulay garoonka diyaaradaha magaalada Gaalkacyo asaga oo ay socdaalkiisa ku weheliyeen wasiiro iyo xildhibaanno ka tirsan Federaalka .

 

Madaxwaynaha iyo gaadiidkii galbinayay ayaa ka dhaqaaqay garoonka diyaaradaha ayagoo gaaray halka loogu talo galay in la dajiyo madaxwayne Yuusuf.

 

Madaxwaynaha ayaa maalmihii ina dhaafay oo dhan kusugnaa magaalada Gaalkacyo , wuxuuna intii uu joogay wada xaajood la layeeshay , raysulwasaaraha Soomaaliya , Guddoomiyaha baarlamaanka, madaxwaynaha Puntland iyo wasiirka hawlaha guud iyo guryaynta dhammaantoodna wuxuu kala hadlay arimo kala duwan oo midba si gaar ah u quseeya.

 

Madaxwayne Yuusuf ayaa lagu wadaa inuu maalmo kadib uu u duulo magaalada Baydhabo halkaasi oo ay ka socoto qaban qaabo xooggan oo ku aaddan shirka baarlamaanka Soomaaliya.

 

CCC Farayaamo

 

AllPuntland