Deeq A. Posted December 6, 2022 Madaxweynaha Puntland Siciid Cabdullaahi Deni ayaa magasaabay labo xubnood oo ka tirsan Guddiga Sare ee Maamulka Garsoorka, kuwaas oo kala ah Garyaqaan Suleymaan Sheekh Cabdullaahi Maxamuud iyo Garyaqaan Cabdiqani Mire Xirsi. Hoos ka akhriso wareegtada Garoowe: 06 December 2022: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne LR. 81, 06-da December 2022, Kuna saabsan magacaabid labo xubno ka tirsan Guddiga Sare ee Maamulka Garsoorka. Madaxweynaha Dowladda Puntland. Markuu arkay : Dastuurka Dowladda Puntland Qodobkiisa 80-aad. Markuu arkay: Aqoontooda, Kartidooda iyo waayo aragnimadooda Shaqo. Markuu la tashaday: Madaxweyne Ku-xigeenka Dowladda Puntland. Wuxuu Xeeriyey: 1. Waxaa Garyaqaan Suleymaan Sheikh Cabdullaahi Maxamuud loo magacaabay xubin Guddiga sare ee maamulka Garsoorka. 2. Waxaa Garyaqaan Cabdiqani Mire Xirsi loo magacaabay xubin Guddiga sare ee maamulka Garsoorka. 3. Xeerkani wuxuu dhaqan gelayaa markuu Madaxweynuhu saxiixo, Wuuna saxiixay. DHAMMAAD PUNTLAND POST The post Deni oo sameeyay magacaabis appeared first on Puntland Post. Share this post Link to post Share on other sites
