Xamza oo xil magacaabis cusub sameeyey maanta

[Deeq A.]

Muqdisho (Caasimada Online) – Ra’iisul Wasaaraha xukuumadda federaalka Soomaaliya, Mudane Xamza Cabdi Barre ayaa Xoghaye cusub oo joogto ah ee ku meel gaarka ah u magacaabay Wasaaradda Cadaaladda iyo Arrimaha Dastuurka XFS

Ra’iisul Wasaare Xamza ayaa Faarax Aadan Xasan ugu magacaabay Xoghayaha joogtada ah ee Wasaaradda Cadaaladda iyo Dastuurka xukuumadda Soomaaliya wareegto 19-kii bishaan kasoo baxday xafiiskiisa.

“Markuu tixgeliyay Ra’iisul Wasaaraha baahida loo qabo in la dar-dargeliyo habsami u socodka howlaha Wasaaradda Caddaaladda iyo Arrimaha Dastuurka,” ayaa lagu yiri wareegtada oo maanta ay shaacisay Wasaaradda Cadaalada.

Wasaaradda Cadaaladda ayaa shaacisay wareegtadaan oo maanta dhaqan-gashay, taasi oo lagu sheegay in magacaabidaan lagu sameeyay soo jeedinta Wasiirka Cadaaladda Xasan Macalin.

Madaxda sare ee Qaranka ayaa inta badan sameeya magacaabis dhaqan-gasha muddo kadib magacaabistooda, sida dhacday dhowr jeer oo hore, oo wareegtooyin la diyaariyay ay xafiisyadooda baahiyaan muddo kadib.

The post Xamza oo xil magacaabis cusub sameeyey maanta appeared first on Caasimada Online.