Maalinta Macallinka Soomaaliyeed Oo Maanta Loo Dabaal Degayo

[Deeq A.]

Maanta oo ay ku beegan tahay 21-ka November, waxaa loo dabaal degayaa maalinta Macallinka Soomaaliyeed, iyadoo sanad walba sidaan oo kale loogu dabaal dego.

Macallinka oo ah hagaha bulshada, islamarkaana hadii aanu jiri lahayn aysan suurtagal noqon lahayn in la helo bulsho wax taqaan, ayaa hadana maanta shacabka Soomaaliyeed waxay u tahay maalin aad iyo aad ugu qiimo badan.

Guud ahaan gobalada dalka Soomaaliyaa ayaa laga xusayaa maalintaan qiimaha badan, iyadoo ay jiraan munaasabado maalintaan loogu dabaal degayo.

Wasaaradda waxbarashada iyo tacliinta sare ee xukuumadda Soomaaliya ayaa hambalyo u dirtay macallimiinta Soomaaliyeed, munaasabadan awgeed.

Macallimiinta Soomaaliyeed ayaa usoo dhabar adeegay in heerka waxbarasho ee dalka haatan marayo gaarsiiyaan, xilli 25-sano oo burbur ah dalku soo maray.

Goobjoog News

Source: goobjoog.com