Madaxweynaha Soomaaliya oo Casha Sharaf u sameeyay Guddoonada Baarlamanada Dowlad Goboleedyada

[Deeq A.]

Guddoomiyaha Golaha Wakiillada DPL Mudane Cabdirashiid Yuusuf Jibriil ayaa xalay ka qayb galay casho sharaf uu Madaxweynaha JFS, Mudane Xassan Shiikh Maxamuud Villa Somalia ugu sameeyey Gudoomiyeyaasha Baarlamaanada Dawlad Goboleedyada dalka.

Guddoomiyeyaasha iyo weftiyo ay hoggaaminayaan ayaa dhawaan Muqdisho u yimid fuitaanka kalfadhigii 2-aad ee wadajirka ahaa ahaa Baarlamaanka labadiisa aqal DFS.

Guddoomiyaha Golaha Wakiillada DPL ayaa uga mahadceliyey Madaxweynaha Qaranka casho sharafta uu ku maamusaay weftiga Dawlad Goboleedyada.

Kulanka, waxaa ka qayb galay Guddoomiyaha aqalka sare, ku-xigeenkiisa 2-aad, Guddoomiye ku-xigeennada 1-aad & 2-aad ee Golaha Shacabka, Guddoomiyaha Maxkamadda sare, Guddoomiyaasha Baarlamaanka Jubbaland, Hirshabeele, Galmudug, Koofur-Galbeed, Xildhibaanno ka tirsan Golaha Shacabka Soomaaliya & Baarlamaanada Dowlad Goboleedyada iyo xubno kale.

PUNTLAND POST

The post Madaxweynaha Soomaaliya oo Casha Sharaf u sameeyay Guddoonada Baarlamanada Dowlad Goboleedyada appeared first on Puntland Post.