DEG DEG: Al-Shabaab oo weerar qaraxyo ku billowday ku qaaday Wasaaradda Waxbarashada

[Deeq A.]

Muqdisho (Caasimada Online) – Laba qarax oo culus iyo rasaas xigtay ayaa goordhow laga maqlay agagaarka isgoyska Zoobe ee magaalada Muqdisho ee caasimadda Soomaaliya, sida ay sheegaan wararka soo gaaraya Caasimada Online. 

Warar hordhac ah oo ay heshay Caasimada Online ayaa sheegaya in kooxda Al-Shabaab ay weerar qarax ku billowday ku qaadday Xarunta Wasaaradda Waxbarashada oo ku taalla aagga Laami Yaraha Zoobe, waxaana gudaha u galay dabley hubeysan oo ka tirsan kooxdan.

Waxaa markii koowaad la maqlay hal qarax, haddana daqiiqado kooban kadib waxaa xigay qarax kale oo xooggan oo isla goobta ka dhacay, kaasoo lagu sheegay inuu ahaa qarax ku xirnaa gaariga ay ka dageyn dableyda weerarka soo qaaday.

Waxaa gudaha xarunta laga dhex maqlayaa rasaas xooggan oo ay is dhaafsanayaan ciidamada dowladda iyo dableydii weerarka soo qaaday.

Waxaa laga cabsi qabaa inuu jiro khasaare dhimasho iyo dhaawac marka la eego sida ay u xoog badnaayeen qaraxyada, oo laga maqlay qeybo badan oo ka mid ah caasimadda. 

The post DEG DEG: Al-Shabaab oo weerar qaraxyo ku billowday ku qaaday Wasaaradda Waxbarashada appeared first on Caasimada Online.