Puntland Women Minister Meets Minnesota State Government

[Cowke]

 

 

 

Marwo Caasha Geelle oo la kulantay madax ka tirsan dawlad goboleedka Minnesota.

 

 

St. Paul, Oct 26 - Wasiirka horumarinta haweenka & arrimaha qoyska ee Puntland Marwo Caasha Geelle Diriye ayaa kulan la yeelatay Tina Liebling (DFL), mudane ka tirsan golaha wakiilada oo laga soo doorto degmada 30A ee dawlada goboleedka Minnesota.

 

Marwo Caasha ayaa uga la wadaagtay Md. Liebling xog waran guud oo ku saabsan Puntland, qorshaha guud ee Puntland ee horumarinta caafimaadka, adeegyada bulshada iyo dawrka dumarka ee horumarinta arrimaha qoyska.

 

Wasiirka ayaa sudii kale ka xog warantay wax qabadka wasaarada haweenka, qorshe hawleedka siyaasadeed ee wasaarada, iyo dadaalka guud ee wasaaradu ugu jirto daryeelka bulshada, gaar ahaan hooyooyinka iyo dhallaanka.

 

Md. Liebling, oo laga soo doorto degmada 30A oo ay deggan yihiin Somali badani, ahna ku xigeenka guddoomiyaha guudiga siyaasada ee Caafimaadka & Adeegyada Bulshada ee Minnesota ayaa uga xog warantay wasiirka hawlaha golaha iyo mashaariicda horumarineed ee ee sannad-miisaaniyeedkan u qoondaysan degmada iyo dawlada goboleedka MN.

 

Wasiirka ayaa sidoo kale la kulantay Robert Lilligren, ku xigeenka golaha deegaanka ee Minneapolis.

 

Labada mas'uul ayaa ka wada hadlay is-kaashi dhex mara Puntland iyo Minnesota iyo weliba wadashaqayn ay yeeshaan magaalooyinka Puntland iyo kuwa Minnesota.

 

Wasiirada ayaa maalmaha soo socda sidoo kale kulamo la yeelan doonta madaxda mudanayaasha Congress-ka iyo Senate-ka ee Minnesota, iyo Duqayda magaalooyinka St. Paul & Minnesota.

 

Wasiirada ayaa todobaadada soo socda lagu qadaa in ay safar hawleed ku tago Wasington D.C. iyo dawlad goboleedyo kale oo ay ka mid yihiin Washington.

 

Diiwaanka Wararka,

Idaacada Daljir.