Dowladda oo sheegtay in ay hadda xiran yihiim barihii ugu waaweynaa warbaahinta Al-shabaab

[Deeq A.]

Dowladda Soomaaliya ayaa shaacisay in ay hadda xiran yihiin barihii ugu waaweynaa ee warbaahinta Al-shabaab kadib go’aankii xalay ka soo baxay dowladda.

Wasiir ku xigeenka Warfaafinta xukuumadda Federaalka Soomaaliya Cabdiraxmaan Yuusuf Sheikh Al-caddaala ayaa sheegay in hawada laga saaray barihii Al-shabaab ku gudbin jireen wararka iyo farriimaha.

“Barihii ugu waawaynaa ee Khawaarijta ee Warbaahinta waa xiranyihiin waana socdaa howlgalku waana dhamaystiraysaa Dawladdu inta dhiman” ayuu yiri Al-caddaala.

Shacabka Soomaaliyeed ayuu sidoo kale ugu baaqay in ay la soo xiriiraan dowladda haddii ay arkaan warbaahin Al-shabaab leedahay oo shaqanaysa si tallaabo looga qaado.

PUNTLAND POST

The post Dowladda oo sheegtay in ay hadda xiran yihiim barihii ugu waaweynaa warbaahinta Al-shabaab appeared first on Puntland Post.