Riyaale oo ay ku Caddaatay Fadeexad Lagu Miji Xaabinayo Doorashada Somalidiidka

[Liibaan]

Dr. Sacad Sheikh Cismaan oo ay ku Caddaatay Fadeexad lagu miji xaabinayo Doorashada Somaliland

 

Wakiilka xukuumadda Somaliland ee Maraykanka, Dr. Sacad Sheikh Cismaan, iyo nin Australiya u dhashay oo magaciisu yahay, Gregory R Copley, ayay ku caddaatay fadeexad ku saabsan hawl gallo ay ku doonayaan in doorashada madaxtooyada ee Somaliland la miji xaabiyo oo ayna dhicin, eedayn qaawanna waxay u soo jeediyay Xisbiga KULMIYE, Guddiga Doorashada Qaranka iyo qaar ka mid ah hay’adaha iyo waddamada innaga caawiya hirgalinta doorashada. Wuxuu maqaalkani iftiiminayaa dariiqa uu Dr. Sacad u maray meel marinta hawshan, eedaynta uu soo jeediyay iyo ujeeddada uu ka leeyahay.

 

Qaar ka mid ah jaaliyadda Somaliland ee deggen Maraykanka ayaa ****olka ka qaaday in Dr. Sacad iyo ninkani ay si wadajir ah u sameeyeen bar internetka ah oo aan lahayn masuuliyad rasmi ah oo loogu hagaago. Debadeed, waxuu Dr. Sacad bilaabay qoraallo ku qoran af Ingiriisi oo aan maga ca qoraaga lagu qorin oo ku soo baxa bartan, weerar qaawan iyo aflagaaddo aan sal lahaynna ku q aaday xisbiga KULMIYE, Guddiga Doorashada Qaranka Somaliland, hay’ado caalami ah iyo waddamo innaga caawiya xagga doorashada.

 

Wuxuu Dr. Sacad qoraaladiisa ku tilmaamay madaxda Xisbiga KULMIYE inay qaarkood ka tirsan yihiin ururka xag jirka ah ee Al-Shabaab. Waxayna dawladda Somaliland ka sii daysay Radio Hargeysa qoraal Dr. Sacad uu ku sheegay in Eng. Maxamed Xaashi Cilmi, Dr. Maxamed Cabdi Gaboose iyo Mudane Cabdicasiis Samaale ay ka mid yihiin Al-Shabaab. Waxaa kale oo uu ku sheegay qoraaladiisa in xisbiga KULMIYE uu cadaadis ku saareen xukuumadda Somaliland in doorshada la qabto isagoo KULMIYE la kaashanaya arrintan, buu yidhi, hay’adda Doorashada Qaranka iyo hay’ado iyo waddamo shisheeye ah.

 

Waxaa eedayntan Dr. Sacad ku raacsan oo u markhaati furay Madaxweyne Daahir Rayaale oo markii uu ka soo noqday booqashadii uu ku tagay Faransiiska iyo Jabuuti warbaahinta Somaliland u sheegay in bulshada caalamku ku khasbayso inuu doorashada qabto. Waxaanay arrintani muujinaysaa in Dr. Sacad ka duulayo fikirka iyo amarrada Madaxwaynaha oo tilmaamaya in aan dalku doorasho hadda galin.

 

Baadhis lagu sameeyay qoraalladan ciddii qortay ayaa muujisay in Dr. Sacad iyo Mr. Gregory Copley ay ka danbeeyeen. Waxayna qoraaladani si is daba joog ah ugu soo baxeen warbaahinta internetka ee ay xukuumadda Somaliland gacanta ku hayso ee Qarannews, Somaliland nation, iyo Harowo.

 

Markii ay ******** arrintan, ayay qaar ka mid ah jaaliyadda Somaliland ee Maraykanku digniin u direen Dr. Sacad una sheegeen inuu joojiyo arrimahan dhabarjabinta ku ah hirgalinta doorashada Somaliland xumaynaysana cilaaqaadka aynu la leenahay waddamada iyo hay’adaha ina caawiya.

 

Weerarka Dr. Sacad maaha mid iskii gooni u taagan ee wuxuu qayb ka yahay hawlgallo qorshaysan oo UDUB iyo Daahir Rayaale wadaan. Mus’uuliyiinta UDUB iyo wasiirro ka tirsan xukuumadda ayaa si toos ah eedaymo kale oo qaawan iyaguna kula dul kufay guddiga doorashada, iyadoo ujeeddadoodu tahay inay fashilyaan hawlaha doorashada ee ay sida daacadda ah ee madaxa banaan u wadaan guddiga doorashadu. Waxay xukuumaddu xidhay hawlwadeenno u shaqeeya Guddiga Doorashada, waxay isku dayday inay xoog ku jiidho goobo ay ku kaydsan yihiin xogta tirro koobka codbixiyayaasha qaatay kaadhadhka, waxay baayacayaan kaadhadhka dadku qaateen, waxayna yareeyeen wacyigalinta kaadh-qaadashada. Waxaana hadda la sheegay inay xukuumaddu dalbatay lacag cusub oo la filaayo inay dhawaan u soo degto si doorashada iyo codbixiyayaasha loo khalkhal-galiyo.

 

Ujeeddada ka danbaysa hawshan uu ku jiro Dr. Sacad waxa weeye in la carqaladeeyo laga hortago doorashada Somaliland, loona sawiro in koox argaggixiso ah dalku gacanta u galayo. Waxay xukuumadda Rayaale is tustay in ayna maanta helayn teegeerada shacabka, doorashadana ay ku guul darraysanayso, dabaylo badan oo isbeddel doon ahina dalka bari iyo galbeedba ka socdaan. Dr. Sacad waxaa loo ballan qaaday in, haddii xukuumadda Rayaale sii jirto oo aan doorasho dhicin (waa sida kaliya ee ay kujiri kartee, laga dhigi doona wasiirka Arrimaha Dibadda oo logu beddelo Cabdillaahi Maxamed Ducaale oo aan isagu haatan xukuumadda Rayaale miisaan wayn ku lahayn.

 

Ugu danbayntii waxaa Dr. Sacad laga codsanayaa inuu ka waantoobo hawlahan si dhakhso ahna u joojiyo wararka been-abuurka ah ee xaqiiqada ka fog raalligelinna ka bixiyo muwaadiniinta uu ku gaf ay, kana tanaasulo khataraha aan ka jirin dalka ee uu fidinayo.

 

Source: Longlivesomaliland.com